Şiddətli baş ağrısı ilə xəstəxanaya müraciət edən 8 yaşlı qızın beynindən təxminən bir metr uzunluğunda tük götürülüb.

QAZİLER.AZ  Lent.az-a istinadən xəbər verir ki, Qırğızıstanın Cəlal-Abad vilayətindən olan qız şiddətli baş ağrısı şikayəti ilə xəstəxanaya müraciət edib. 

Həkimlər 8 yaşlı uşağın MRT-sini çəkəndə heyrətə gəliblər. MRT müayinələrində uşağın beynində “böyük və yad kütlə” aşkar edilib.

Əvvəlcə onun beynində şiş olduğu düşünülsə də, müayinələrdən sonra tamam fərqli bir vəziyyət ortaya çıxıb. Həkimlər əməliyyat zamanı uşağın beyin skanında gördükləri kütlənin təxminən bir metr uzunluğunda tük olduğunu aşkar ediblər.

Qırğızıstan Səhiyyə Nazirliyi ölkədə maraq doğuran əməliyyatla bağlı açıqlama verib:

"Saçların mədəciyin dibində kökü var idi və ola bilər ki, bu, doğuşdan əvvəl inkişafda anormallıq olub. Saçların daha da uzanması xəstənin sağlamlığı üçün təhlükəli ola bilərdi”. 

Həkimlər uşağın beynindəki tüklərin ana bətnində anormal şəkildə formalaşdığını bildiriblər.