Kvinslendin baş tibb işçisi Dr John Gerrard, "uzun COVID-19" ifadəsinin yanıltıcı olduğunu söyləyib.

Qaziler.az “Daily Mail”ə istinadən bildirir ki, araşdırma koronavirus infeksiyasının simptomlarının digər tənəffüs yolları xəstəliklərinin uzunmüddətli təsirindən fərqlənmədiyini göstərib.

Bununla belə, bəzi xəstələr həkimlərin gəldiyi nəticəni tənqid edərək “COVID-19”un onların səhhətinə dramatik təsir göstərdiyini bildiriblər.

Post-viral sindromlar baş verir. Bunun həqiqətən mövcud olduğuna tam əminik. Bu o demək deyil ki, “COVID-19”dan sonra bu simptomlar davamlı olacaq. Digər tənəffüs yoluxucu viruslarla müqayisədə COVID-19-dan sonra həmin simptomları əldə etmək ehtimalınız da yüksək deyil”, - Gerrard izah edib.

Alimlər COVID-19-a yoluxmuş 2400-ə yaxın xəstənin və digər qripə bənzər viruslara yoluxmuş daha 2700 insanın uzunmüddətli təsirlərini izləyən araşdırmadan öz nəticələrini çıxarıblar. Bir illik müşahidədən sonra eksperiment iştirakçılarının 16%-i koronavirus infeksiyası və ya digər virusların olub-olmamasından asılı olmayaraq, insanlarda davam edən simptomlar olduğunu bildiriblər.

QAZİLER.AZ