Rus kosmonavtları orbitdə adi – Yerdəki adamların praktiki olaraq yediklərini yeyirlər.

Qaziler.az xəbər verir ki, bu barədə “Nyus.ru” Rospotrebnadzorun Murmansk vilayəti üzrə idarəsinin məlumatlarına istinadən yazır. Şöbənin dietoloqları bildiriblər ki, kosmos tədqiqatçıları, məsələn, qoz-fındıq və zoğal ilə kəsmik, həmçinin alma və şaftalı ilə yulaf ezmesi sevirlər.

Mütəxəssislərin qeyd etdiyi kimi, kosmik pəhrizin əhəmiyyətli bir hissəsini yüksək kalorili protein qidaları, o cümlədən balıq, ət, qaraciyər, kəsmik, yumurta, həmçinin dənli bitkilər və lobya təşkil edir. Bu məhsullar orqanizmin zərərli ekoloji faktorlara qarşı müqavimətini artırır. Orbitdəki orqanizmdə maddələr mübadiləsində əlverişsiz dəyişikliklərin qarşısını almaq üçün kosmik pəhrizə lif ilə zəngin qidalar daxil edilir: badımcan və balqabaq kürüsü, çuğundur və soğan salatı, borş, duzlu kələm şorbası, quru ərik püresi, qarabaşaq yarması sıyığı və oxşar yeməklər.

Çəkisizlik sümük toxumasının demineralizasiyasına səbəb olur, ona görə də astronavtlarda lazım olan kalsium səviyyəsini qatıq, müxtəlif qatqılı kəsmik, paxlalı bitkilərdən, süddən və çörəkdən hazırlanan yeməklərin köməyi ilə saxlayırlar.

“Kosmik” məhsulların saxlama müddəti uzun (ən azı 12 ay) olmalı, yaxşı həzm olunmalı və sorulmalı, hazırlanması çox vaxt aparmamalıdır”, - deyə ekspertlər əlavə edib.

QAZİLER.AZ