Rusiyalı qastroenteroloq Yevgeni Belousovun fikrincə, yüksək kalorili və yüksək şəkərli olduğu üçün dondurmanı həftədə iki və ya üç dəfədən artıq yemək məsləhət deyil

Qaziler.az bildirir ki, o, "RİAMO" ilə söhbətində desertin tez-tez istehlakının təhlükələrindən danışıb.

Mütəxəssis qeyd edib ki, orqanizmdə tez-tez sistemli iltihaba səbəb olan süni yağlar digər süd məhsulları kimi dondurmanın tərkibinə də əlavə oluna bilər. Buna görə qaraciyər və mədəaltı vəzi "piylənmə"si ola bilər ki, bu da sonradan tez-tez hepatitə, fibrotik dəyişikliklərin inkişafı, lipomatoz və ya pankreatitə səbəb olur.

“Həmçinin yadda saxlamalıyıq ki, mədə-bağırsaq traktının otaq temperaturunda olan qidaları xoşlayır, ona görə də dondurmanın aşağı temperaturu stressə səbəb ola bilər”, o əlavə edib.

Bundan əlavə, dondurma diabet xəstələri üçün kontrendikedir. Belousovun izah etdiyi kimi, desertin tərkibində çoxlu şəkər var, buna görə dietdə onun mövcudluğunu minimuma endirmək məsləhətdir. Bununla belə, o, dəqiqləşdirib ki, şəkər və yağın birləşməsi məhsulun soyuq temperaturu səbəbindən karbohidratların daha yavaş udulmasına gətirib çıxarır.

“Təəssüf ki, belə bir fikir var ki, diabet xəstələri bu və ya digər şəkildə qan şəkərini idarə edə bilirlər, ona görə də onlar bu cür desertləri qəbul edə bilərlər. Mən bu yanaşmanın əleyhinəyəm: şəkər xəstələrinin qida rasionunda digər şirniyyatlar kimi dondurma da minimuma endirilməlidir”, - Belousov bildirib.

QAZİLER.AZ