Dermatoloqlara görə, saçınızı yumağınız onun nə qədər yağlı olması, saç tipiniz, fəaliyyət səviyyəniz və yaş kimi amillərdən asılıdır. Saçınızın və baş dərinizin vəziyyəti sizə saçınızı daha tez-tez və ya daha az yumaq haqda bəzi şeylər deyə bilər.

Belə ki, dermatoloqların fikrincə, tez-tez şampunlamaq saçınızı quruda və matlaşdıra bilər. Eyni zamanda, saçların gec yuyulması kəpək, baş dərisinin xoşagəlməz qoxusu və digər baş dərisi və saç problemləri yarada bilər.

Saçınızı nə qədər tez-tez yumağınız saç tipiniz və baş dərinizin vəziyyəti də daxil olmaqla bir çox amillərdən asılıdır.

Belə ki, yağlı saçlı insanlar saçlarını hər gün yumalıdır. Lakin saçları quru və kimyəvi maddələrlə işlənmiş insanlar başlarını uzun müddət yumadan qala bilərlər.

Həmçinin qalın və ya buruq saçlarınız varsa, az yumağa çalışın. İncə və ya yağlı saçlarınız varsa, saçlarınızı daha tez-tez yuya bilərsiniz.

Yaş, saçınızı nə qədər tez-tez yumağınıza təsir edən başqa bir amildir. Yaşlandıqca baş dəriniz daha az sebum istehsal edir, buna görə də əvvəlki kimi tez-tez şampunlamağa ehtiyac qalmaya bilər. 8-11 yaşlı uşaqlar həftədə 2 dəfə saçlarını yuya bilər. Aktiv həyatı olan, idmanla məşğul olan uşaqlar, yeniyetmələrdə say arta bilər.

Dermatoloqlar şampun seçərkən saç tipinə uyğun və kondisionerli məhsul almağı tösiyyə edir. Bundan başqa, baş dərisində problemi olanlar və ya saçı rənglənmiş şəxslər həmin saçlarıa uyğun şampun seçsələr daha faydalı olar.

QAZİLER.AZ