Buxarlı duş qəbul etməyi sevirsinizsə, bu, sağlamlığınız üçün ən yaxşı seçim olmaya bilər. Fakt budur ki, yüksək temperatur təkcə dərinizə deyil, saçınıza və immunitet sisteminə də təsir edir.

Payız və qış aylarında isti duş isinmək üçün əla vasitə ola bilər, amma həqiqətən sağlamlığınız üçün bu xeyirdirmi?

Qaziler.az xarici mətbuata istinadən bildirir ki, doktor Mahyer Maddahali hesab edir ki, isti duş sağlamlığınıza və bədəninizə  zərər verə bilər.

Məlum olub ki, çox isti su təkcə dərinizə deyil, saçınıza da çox zərər verə bilər. Damar cərrahiyyəsi üzrə ixtisaslaşmış həkim xəbərdarlıq edir ki, çox isti duş qəbul etmək dərinin qurumasına səbəb ola bilər.

Məsələ bundadır ki, dəridə onu nəmləndirən müəyyən miqdarda təbii yağlar var və isti su bu faydalı yağların çoxunu yuya bilər. Bundan əlavə, isti su dərinin qıcıqlanmasına və qızartısına səbəb ola bilər, çünki yüksək temperatur dərinin altındakı qan damarlarını genişləndirir.

Unutmayın ki, yanlış su temperaturu da saçınıza zərər verə bilər. Ancaq bəzi insanlar üçün isti duş daha ciddi problemlərlə nəticələnə bilər - məsələn, huşunu itirmə. Fakt budur ki, çox uzun müddət isti suyun altında qalsanız, bu, aşağı təzyiqə və sonradan huşun itirilməsinə səbəb ola bilər.

Ən nəhayət, qəribə görünsə də, isti duşlar immunitet sisteminiz üçün zərərlidir. Odur ki, özünüzü payız soyuqluğundan qorumaq istəyirsinizsə, suyun temperaturunu elə tənzimləyin ki, 36 - 40 dərəcə Selsini keçməsin.

QAZİLER.AZ