Çobanyastığı çayının nə vaxt sağlamlığa xeyri olduğunun öyrənilməsinə başladıqları dəqiq bilinmir, lakin eramızdan əvvəl 500-cü illərdə onu çay kimi dəmləyirmişlər. O vaxtlar çobanyastığı çayı baş ağrıları və qızdırma, yuxusuzluq, iltihab və dəri abseslərini müalicə etmək üçün istifadə olunurdu.

Bu gün çobanyastığı yenə öz mövqeyini itirmir - bəzi xəstəliklərin müalicəsində istifadə olunur (və ənənəvi tibb buna qarşı deyil), o, həm də zövq üçün dəmlənir. Çünki çobanyastığı çayı həqiqətən dadlıdır.

Onun faydaları olduğunu çoxumuz bilirik, bəs zərərləri hansıdır? 

İlk əks göstəriş, əlbəttə ki, allergiyadır. Çox vaxt çobanyastığı alergiyası qaşınma, döküntü və sulu gözlər şəklində özünü göstərir.

Çobanyastığı həm də sakitləşdiricidir, ona görə də avtomobil sürmək üçün uzun bir yolunuz varsa, çoxlu çobanyastığı çayı içməməlisiniz.

Hipertoniyadan əziyyət çəkən insanlar diqqətli olmalıdır - çobanyastığı çayı təzyiqi aşağı salır. Çobanyastığının həddindən artıq dozası başgicəllənmə, zəiflik, baş ağrısı və ishala səbəb ola bilər. Yeri gəlmişkən, əgər siz ümumiyyətlə ishala meyillisinizsə, çobanyastığı çayına meyl etməyin.

Çobanyastığı çayının təhlükəsiz dozası gündə iki stəkandır. Sinir sistemindən və ya mədə-bağırsaq traktından xoşagəlməz təzahürlər görsəniz, həkimə müraciət edin.

QAZİLER.AZ