“Qəhvə insanın dişlərinə zərər verə bilər və onu şirniyyatla içsəniz, mina qatının məhv edilməsi prosesi dəfələrlə güclənəcək”.

Qaziler.az xəbər verir ki, bunu diyetoloq Yelena Solomatina "Moskva 24" telekanalına bildirib. O, həmçinin qeyd edib ki, qəhvə bədəndən kalsiumu çıxarmaq qabiliyyətinə görə də dişlər üçün təhlükəlidir.

“Qəhvə minaya zərər verən asidik mühitdir. Ona görə də ondan sonra mütləq su içməlisiniz. Bundan əlavə, qəhvə kalsiumu özünə çəkir və bədəndən çıxarır ki, bu da sonradan dişlərin vəziyyətinə təsir göstərir”, - deyə həkim izah edib.

Eyni zamanda şəkər və ya şirniyyatla qəhvə içmək yalnız dişlərə mənfi təsirini artıracaq. Onun sözlərinə görə, kofe minanı yumşaldır və şəkərin təsiri ilə ağızda çoxalan bakteriyalar ona asanlıqla nüfuz edir. 

“Qəhvənin digər bir dezavantajı ağızda susuzluğa səbəb olmasıdır. Tüpürcəyin miqdarının azalması səbəbindən ağızdakı mühit quruyur və o, artıq əsas vəzifələrindən birinin - bakteriyaları öldürməyin öhdəsindən gələ bilmir”, - Solomatina əlavə edib.

Firuzə Alimova

QAZİLER.AZ