“Çimərlikdə spirtli içki içmək ən təhlükəli xərçəng xəstəliyi olan melanomaya tutulma riskini artırır”.

Qaziler.az xəbər verir ki, bunu tibb elmləri doktoru və teleaparıcı Elena Malışeva “Live Healthy” verilişində deyib. Onun sözlərinə görə, belə vəziyyətdə ağ şərab xüsusilə təhlükəlidir.

Kardioloq Herman Qandelman aydınlaşdırıb ki, çimərlikdə spirtli içkilərin istifadəsi nəticəsində dəri xərçənginə tutulma riski 14% artır.

"Alkoqol istehlakı melanoma - dəri xərçənginin inkişafını təxminən 14% artırır. Ağ şərab da xərçəngin - melanomanın inkişaf şansını artırır”, - Qandelman bildirib.

Bundan başqa, Malışevanın sözlərinə görə, çimərliyə mayonezli salatlar, qaynadılmış ət, süd məhsulları və qaymaqlı desertlər də götürməməlisiniz, çünki onların tərkibindəki bakteriyaların sayı dörd saat ərzində dörd dəfə artacaq. Bundan əlavə, çimərlikdə yerkökü, şüyüd, əncir və sitrus meyvələri də yemək olmaz, əks halda günəş yanığı riski artacaq.

Firuzə Alimova

QAZİLER.AZ