“Körpələr ilk altı ay ərzində heç bir əlavə qida olmadan, yalnız ana südü ilə qidalanmalıdır”.

Oxu.Az xəbər verir ki, bu fikirlər Səhiyyə Nazirliyinin mütəxəssis-eksperti, pediatr Əkbər Quliyev bu gün Nazirliyin rəsmi “Instagram” səhifəsində canlı yayımda yay aylarında uşaqların qidalanması ilə bağlı danışarkən deyib.

O bildirib ki, bəzən valideynlər uşaqların doymadığını səbəb gətirərək əlavə yeməklərə üz tuturlar:

“Eləcə də, bəzi valideynlər körpələrinə altı aydan başlayaraq ət verir. Bu doğru deyil. Körpələrin həzm sistemi yeni-yeni formalaşır və ət onların həzm sistemi üçün kifayət qədər ağır qida hesab edilir. Uşağın inkişafının sürətli getdiyi bir dövrdə ət ilə yanaşı, xəmir, xüsusilə də şirniyyatlardan istifadəyə üstünlük verilməməlidir”.