Şimali Karolinada aparılan araşdırmada, heyvanlarının sağlamlığından narahat olan sahiblərinin tələbi ilə 31 it və 32 atın qanında PFAS səviyyəsi araşdırılıb.

Qaziler.az “The Hill”ə istinadla xəbər verir ki, araşdırmanın nəticələri “Environmental Science and Technology” jurnalında dərc olunub.

Alimlər qan nümunələrində ştatda çay yatağında aşkar edilən 20 növ PFAS-dan 12-ni və 33 PFAS birləşməsindən 20-ni tapıblar. Buna görə də sınaqdan keçirilmiş bütün heyvanların qanında PFAS var.

Bundan əlavə, təkcə qrunt sularını istehlak edən heyvanların deyil, həm də qablaşdırılmış su ilə qidalanan heyvanların qanında da sonsuz kimyəvi maddələrin olduğu müəyyən edilib.

Test edilən heyvanlarda PFAS birləşmələri ilə əlaqəli qaraciyər və böyrək problemləri müşahidə edilib.

Tədqiqatçılar ev heyvanlarınd tapılan kimyəvi maddələrin uşaqlara da təsir edcəyindən narahatdır. Çünki bu kimyəvi tərkib insanlar böyrək xərçəngi, testis xərçəngi, tiroid və digər xstəliklərə səbəb olur.

QAZİLER.AZ