Böyük Britaniyada hazırda 101 yaşa qədəm qoyan Birminhem sakini Denzil Kuper sağlam qidalanma, xüsusilə gündəlik qəbul etmək üçün tövsiyə olunan beş porsiya meyvə-tərəvəz qaydası ilə bağlı fikrini bölüşüb.

O hesab edir ki, bu qaydanın faydası həddən artıq şişirdilib. Kuperin sağlam qidalanma tərəfdaşı olmadığı və demək olar ki, tərəvəz qəbul etmədiyinə baxmayaraq, o, bu yüksək yaşa qədər digər amillər sayəsində çata bilib.

QAZİLER.AZ AZƏRTAC-a istinadla xəbər verir ki, Denzil Kuper İkinci dünya müharibəsi iştirakçısı olub və hava-desant qoşunlarında xidmət edib. Müharibədən sonra Kuper ailə qurub və nigahda 68 il yaşayıb. Onun üç qızı, doqquz nəvəsi və 14 nəticəsi var, 15-ci isə bu yaxınlarda dünyaya gələcək.

Kuper hesab edir ki, uzunömürlülük sağlam qidalanma ilə bağlı deyil. O, heç vaxt siqaret çəkməyib və çox az miqdarda spirtli içki qəbul edib, bu da onun uzunömürlülüyünün sirrlərindən biridir.

Kuper deyib: “Lakin mən tərkibində minimal miqdarda tərəvəz olan zərərli pəhrizdən həzz almışam. Sağlam qidalanmanın faydası həddindən artıq şişirdilib. Uzunömürlülüyünün ikinci sirri çətinliklər qarşısında təmkinli və sakit olmaqdan ibarətdir”. Yüz bir yaşlı kişinin sözlərinə görə, məhz bu, onun uzun və xoşbəxt ömür sürməsinin amilidir.