Elm adamları 1 ildən uzun müddətdir dünyanın kabusuna çevrilən koronavirusu yox etmək etmək üçün peyvənd, dərman və bir çox fərqli təcrübə ilə çalışmalarını davam etdirir.

Moderator.az xəbər verir ki, mövzu ilə bağlı ciddi araşdırmalar aparan Oksford Universiteti ilgic bir sınağa imza atmağa hazırlaşır.

Sözügedən sınaq müddətində koronavirusa yoluxub sağalan şəxslərin yenidən virusa yoluxdurulacağı nəzərdə tutulub. Bu şəkildə insanların virusa yoluxmasının qarşısını alacaq antikor sayının sürətli şəkildə artacağı və bir daha koronavirusa yoluxmayacağı düşünülür.

Qeyd edək ki, açıqlanan son rəqəmlərə görə, dünya miqyasında yeni növ koronavirus (Kovid 19) epidemiyası səbəbi ilə həyatını itirənlərin sayı 3 milyona çatıb.