Bakıda yaşayış evində baş verən yanğında yanaraq ölən qadının şəxsiyyəti müəyyənləşib.

APA-nın hadisə yerində olan əməkdaşının verdiyi məlumata görə, yanğın zamanı evdə olan yataq xəstəsi, 1943-cü il təvəllüdlü Sədirxanova Rahilə Səlim qızı yanaraq ölüb.

Araşdırma aparılır.

***

saat 16:09

Fövqəladə Hallar Nazirliyinin (FHN) "112" qaynar telefon xəttinə Bakı şəhəri, Xətai rayonu, Balaxan Süleymanov küçəsi ünvanında fərdi evdə yanğın olması barədə məlumat daxil olub.

Qaziler.az-ın Nazirliyin saytına istinadən məlumatına görə, FHN-nin Dövlət Yanğından Mühafizə Xidmətinin yanğından mühafizə bölmələri hadisə yerinə cəlb olunub. Hazırda yanğınsöndürmə işləri davam etdirilir, yanğının genişlənməsinin qarşısını almaq üçün təcili və təxirəsalınmaz tədbirlər görülür.

İlkin məlumata əsasən, yanğın yerinin kəşfiyyatı zamanı 1 nəfərin meyiti aşkarlanıb.

Əlavə məlumat veriləcək.

***

16:05

Bakının Xətai rayonunda yanğın baş verib.

Qaziler.az-ın məlumatına görə, yanğın Balaxan Süleymanov küçəsində fərdi yaşayış evində qeydə alınıb.

FHN-nin müvafiq qüvvələri yanğının söndürülməsinə cəlb olunub.

Yanğın məhdudlaşdırılıb.