Tərtərin Sarıcalı kəndində ikinci “İlham-Fərizə dastanı” yaşanıb.

Qazilər.az Modern.az-a istinadla xəbər verir ki, bu barədə sosial şəbəkələrdə təhlükəsizlik məsələləri üzrə ekspert İlham İsmayıla istinadən məlumat yayılıb.

Əslən Tərtərdən olan İlham İsmayılın bildirdiyinə görə, cəbhənin Ağdərə istiqamətində gedən döyüşlərdə şəhid olmuş 1995-ci il təvəllüdlü Mehdi Elçin oğlu Məmmədovun bu gün səhər saatlarında Sarıcalı kəndində dəfn mərasimi keçirilib.

Mərasim başa çatmamış xəbər gəlib ki, Şəhidimizin nişanlısı Səfərova Mələk Valeh qızı da Elçinin yoxluğu ilə barışa bilməyərək özünə qəsd edib. Kənd sakinləri indi də Mələyi son mənzilə yola salıblar.