Naftalan rayonunda qətl törədən şəxs müəyyən edilib.

“Report”un məlumatına görə, şəhərdə 1979-cu il təvəllüdlü Elnurə Verdiyeva və qızı, 2002-ci il təvəllüdlü Aysun Həsənovanı bıçaqlayan şəxs 1975-ci il təvəllüdlü Məmmədov Zəfər Həsən oğludur.

Artıq o, polis əməkdaşları tərəfindən saxlanılıb.

***08:55

Naftalanda qətl törədilib.

"Report"un məlumatına görə, hadisə Naftalan şəhərində qeydə alınıb.

Belə ki, 1979-cu il təvəllüdlü Elnurə Verdiyeva və qızı, 2002-ci il təvəllüdlü Aysun Həsənova bıçaqlanıb. Nəticədə E.Verdiyeva ölüb, qızı isə belindən aldığı ağır bıçaq xəsarəti ilə Goranboy rayon Mərkəzi Xəstəxanasına yerləşdirilib. Onun vəziyyətinin ağır olduğu bildirilir.

Faktla bağlı araşdırma aparılır.