Oğuzda itkin düşən uşağın meyiti tapılıb.

Qazilər.az APA-ya istinadla xəbər verir ki, uşağın meyiti dağlıq-meşəlik ərazidə heyvanlar tərəfindən parçalanmış halda aşkar edilib.

Hazırda meyitin dağdan düşürülməsi istiqamətində tədbirlər görülür.

Xatırladaq ki, Fövqəladə Hallar Nazirliyi Oğuzun Xaçmaz kənd sakininin itkin düşməsi barədə məlumat yayıb. Oğuz rayonunun Xaçmaz kəndi yaxınlığında, meşəlik ərazidə 2008-ci il təvəllüdlü Məmmədli Cəbrayıl Vüsal oğlunun itkin düşməsi barədə məlumat daxil olub. Nazirliyinin Şimal-qərb Regional Mərkəzinin müvafiq xilasetmə qüvvələri qeyd edilən əraziyə cəlb olunub, aidiyyəti qurumlar məlumatlandırılıb.

Qeyd edək ki, mayın 21-də Oğuz rayonunun Xaçmaz kəndində 12 yaşlı oğlan itkin düşüb. Kənd sakini, 2008-ci il təvəllüdlü Cəbrayıl Vüsal oğlu Məmmədov bostan sahəsini suvarmaq üçün ərazidən keçən çay qırağına gedib və bir daha geri qayıtmayıb.