II qrup Qarabağ müharibəsi əlili vəfat edib

Qaziler.az bildirir ki, II qrup Qarabağ müharibəsi əlili Əliyev Müşfiq Sərdar oğlu faciəli şəkildə həlak olub. O, avtomobil qəzası nəticəsində ölüb.

Müşfiq Əliyev 1969-cu ildə Ağdamda doğulub. Əvvəlcə Azərbaycanın Milli Qəhrəmanı Fred Asifin batalyonunda sonra isə Azərbaycanın Milli Qəhrəmanı, polkovnik-leytenant Şirin Mirzəyevin alayında erməni işğalçılarına qarşı döyüşüb və yaralanıb. 2-ci qrup Qarabağ əlilidir.

“Qarabağ qaziləri”, “Vətən Müharibəsi Əlilləri” ictimai birlikləri, Azərbaycanın Milli Qəhrəmanı Asif Məhərrəmov (Fred Asif) adına İnkişaf Fondu Qarabağ qazisinin vaxtsız vəfatından kədərləndiyini bildirir, qazinin ailəsinə, yaxınlarına dərin hüznlə başsağlığı verir.

Allah rəhmət eləsin!