Bakı metrosunda ölüm faktı qeydə alınıb.

“Bakı Metropoliteni” Qapalı Səhmdar Cəmiyyətinin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev bildirib ki, hadisə bu gün metronun “28 may” stansiyasında baş verib.

Onun sözlərinə görə, hadisə saat 15:35 radələrində qeydə alınıb: “Belə ki, 1953-cü il təvəllüdlü Bakı şəhər sakini Mərdanov Vasif Şamil oğlu 28 may stansiyasına çatanda özünü pis hiss edib və qatardan düşüb. Dərhal ilkin müdaxilə edilib, təcili tibbi yardım çağrılıb. Lakin həkimlər gələnə kimi həmin şəxs keçinib. İlkin ehtimala görə, onun ürək tutmasından vəfat etdiyi güman edilir.

Qaziler.az saytının məlumatına görə, Vasif Mərdanov Qubadlının Xanlıq kəndindən məcburi köckün idi. Xanlıq kənd məktəbində hərbi müəllim işləyirdi.1992-ci ildə Əliyar Əliyevin komandiri olduğu Qubadlı Batalyonunda döyüş yolu keçmişdi. Qarabağ qazisi- ikinci qrup əıil və ehtiyyatda olan zabit idi.

Faktla bağlı araşdırma aparılır.