Bakıda zəncirvari yol qəzası baş verib.

Musavat.com-un məlumatına görə, hadisə Xocahəsən dairəsində qeydə alınıb.

Nasaz KamAZ markalı yük maşını yedəkdə təmirə aparılarkən, yedəkdən qopub və arxaya doğru hərəkət edib. KamAZ dairədə gözləyən maşınlara çırpılıb. Yük maşını Mercedes markalı minik maşınına, o isə "Ford" markalı maşına çırpılıb. Qəza nəticəsində Mercedes-ə ciddi ziyan dəyib.

Hadisə yerinə yol polisi əməkdaşları gəlib, araşdırma aparılır.