Xəzər dənizinin Türkmənistan sahillərində tapılmış meyit Vətənə gətirilib

Aprelin 18-də Xəzər dənizinin Türkmənistan sektorunda tapılmış və ilkin olaraq, “Günəşli” yatağındakı 10 saylı dərin dəniz özülündə baş vermiş qəza nəticəsində itkin düşmüş neftçilərdən birinin olduğu ehtimal edilən meyitin tanınması və Vətənə gətirilməsi üçün aprelin 22-də Fövqəladə Hallar Nazirliyinin (FHN) “BE-200ÇS” amfibiya tipli təyyarəsi istintaq qrupu ilə Türkmənistana yola düşüb.

Qaziler.az-ın məlumatına görə, Fövqəladə Hallar Nazirliyinin mətbuat xidmətindən bildiriblər ki, təyyarə aprelin 22-də geri qayıdıb və cəsəd aidiyyəti üzrə təhvil verilib.