Türkiyənin Antalya bölgəsində 12 mərtəbəli binada yanğın olub.
“Report” xəbər verir ki, bu barədə Türkiyə KİV məlumat yayıb.
Bildirilib ki, hadisə Antalyanın Alanya rayonunda təmirdə olan binanın 1-ci mərtəbəsində baş verib. Oraya yanğınsöndürmə briqadası göndərilib və yuxarı mərtəbələrdə qalan 4 işçi xilas edilib.
Bölgəyə tibb işçiləri və polis də göndərilib.
Binada digər işçilərin olub-olmamasını aydınlaşdırmaq üçün hadisə yerində xilasedicilər əməliyyatı davam etdirir
