“Bu günədək atamın və qardaşlarımın meyitlərinin yeri bəlli deyil”.
Apa xəbər verir ki, bu sözləri Ermənistanın hərbi təcavüzü nəticəsində çoxsaylı cinayətlərdə təqsirləndirilən şəxslərin cinayət işi üzrə zərərçəkmiş qisimdə tanınmış Mürvət Məmmədov deyib.
“Ailəmlə birlikdə 1988-ci ildə Qərbi Azərbaycandan didərgin düşdük və Xocalı şəhərində məskunlaşdıq. Burda da ermənilərin hücumuna məruz qaldıq. Xocalıda ailəmlə birlikdə əsir düşdük. Bizə qarşı zorakılıq olub. Atamın və iki qardaşımın başını kəsiblər. Bu günədək onların meyitlərinin yeri bəlli deyil”.
