Dünən vəfat edən Qarabağ müharibəsi əlili Rəis Mürsəlov dəfn edilib.

Qarabağ qazisi Rey Kərimoğlu Qaziler.az-a bildirib ki, Rəis Mürsəlov Novxanı qəbirstanlığında torpağa tapşırılıb.

"Dəfn mərasimi "Qarabağ qaziləri" birliyi tərəfindən təşkil edilib. Mərasim son vaxtlar ənənə halını almış şəkildə keçirilib. Belə ki, qazinin tabutu üzərinə sərilmiş üçrəngli bayrağımız dəfndən sonra onun övladına təqdim edilib. Mərasimdə birliyin sədri Asəf Əliyev başda olmaqla qazilər iştirak etdi. Asəf Əliyev çıxış edərək qazinin keçdiyi döyüş yolundan, Qarabağda bir ayağını itirməsindən, çəkdiyi əziyyətlərdən, aktiv ictimai fəaliyyətindən danışdı. Sonra bayrağı qazinin övladına təqdim etdi", - R. Kərimoğlu deyib.

QAZİLER.AZ