Sankt-Peterburqda iki həftəlik körpə süd yeməyini qəbul etdikdən sonra ölüb.

Qaziler.az bildirir ki, bu barədə REN TV məlumat yayıb.

Faciə aprelin 24-də axşam saatlarında baş verib.

Ata qızını yedizdirdikdən sonra uşaq arabasına qoyub, başqa otağa oğlunun yanına keçib. 20 dəqiqədən sonra qızının vəziyyətini yoxlamaq üçün otağa qayıdıb və görüb ki, burnunun altında, yanağında və çənəsində qan var.

Ata təcili yardım çağıraraq uşağa süni tənəffüs verməyə çalışıb. Lakin hadisə yerinə gələn həkimlər yeni doğulmuş uşağın öldüyünü müəyyən ediblər.

Xəbərdə qeyd edilib ki, körpə aprelin 12-də tam müddətli doğulub. Beş gün sonra yeni doğulmuş körpə və onun 23 yaşlı anası xəstəxanadan buraxılıb. Lakin doğuşdan sonrakı ağırlaşmalar qadını xəstəxanaya qayıtmağa məcbur edib. 33 yaşlı ata isə qızına qulluq edib.

QAZİLER.AZ