"Crocus City Hall" konsert zalına gələnlərdən biri balta ilə bir neçə qapını deşərək onlarla rusiyalını xilas edib.

QAZİLER.AZ  Publika.az-a istinadən xəbər verir ki, bu barədə terrordan sağ çıxan Tatyana adlı qadın məlumat verib .

Onun sözlərinə görə, o, "Crocus"a əvvəlcədən gəlib. Qadın eskalatorla yuxarı qalxarkən qışqırıqlar və qəribə səslər eşidib, həmçinin mühafizəçilərin şüşə qapıları bağladığını və otağa girərək atəş açan ilk terrorçunu görüb.

Tatyana və digər qonaqlar oturacaqların arxasınd pulemyot atəşindən gizləniblər. Sonra qapılara tərəf gediblər. Mühafizəçi dəhlizdəki insanları hücum yerindən daha da uzağa aparmağa başlayıb.

“Və bir adam var idi ki, yanğın baltası tapıb qapını sındırdı. Biz texniki otaqlara çıxdıq və o, tavanı və ya döşəməni haradan kəsə biləcəyini axtararaq yuxarı qalxdı. O, bu balta ilə çox arxayın olduğu üçün onun bizimlə olması məni daha yaxşı hiss etdi”, - deyə Tatyana bildirib.

Qrup bir neçə otaqdan keçdikdən sonra zirzəmitə enib və orada Fövqəladə Hallar Nazirliyinin tezliklə gələcəyi məlum olub.