Bu gecə Almatadan-Bakıya olan aviareysdə bədbəxt hadisə baş verib.

QAZILER.AZ. Publika.az-a istinaden xəbər verir ki, bu barədə  hadisə şahidi məlumat verib.

Hadisə şahidi bildirib ki, Almata saatı ilə 03:15 olan reys 03:25-də qalxıb.10 dəqiqə gecikmənin səbəbi yaşlı (50+) qadının həkim tərəfindən uçuşa buraxılmaması olub: "Sərnişin israrla uçacağını bildirdi və ərizəyə qol çəkərək məsuliyyəti öz üzərinə götürdü. Uçuşdan 40 -50 dəqiqə sonra qadınının halı pisləşdi və pilot hava gəmisini Daşkənd hava limanında endirməyə qərar verdi. Ancaq təyyarə enənə qədər qadın canını elə təyyarədəcə tapşırdı. Daha sonra cənazəni salondan götürdülər və uçuş davam etdi. Azərbaycan vətəndaşı olduğu bildirilirdi. Amma əsas məqam təyyarə bələdçilərinin qadının həyatda qalması üçün bütün bacarıdıqlarını etdilər. Şəxsən mən bu qədərini gözləmirdim. Ürək masajı, süni nəfəs...Dayanmadan 5 bələdçi onu həyata qaytarmağa çalışdı, amma heyif.... Qadını xilas etmək mümkün olmadı. Doğurdan uçuş komandası mükəmməl hazırlanıb".