Volqoqrad bölgəsində xanım müştərinin ziyarəti kosmetoloq üçün cinayət işi ilə başa çatıb.

Qaziler.az bildirir ki, bu barədə “Don Mash” “Telegram” kanalı məlumat yayıb.

Hadisə Voljski şəhərində baş verib. Alnındakı qırışlardan və üzündəki yaşa bağlı digər dəyişikliklərdən xilas olmaq arzusu ilə bir qadın mütəxəssisə müraciət edib. Prosedurdan sonra müştərinin səhhəti pisləşib və bir müddət sonra bir gözü görmə qabiliyyətini itirib.

Sonradan məlum olub ki, kosmetoloq Volqoqrad və Rostov bölgələrində də xidmət göstərir və üstəlik lazımi lisenziyası yoxdur.

Hadisədən sonra kosmetoloqa qarşı cinayət işi açılıb. O, sağlamlıq üçün təhlükəli xidmət göstərməkdə ittiham olunub.

QAZİLER.AZ