Bu gün Sumqayıt şəhər Məhkəməsində Coratda 2 nəfərin qətlinə görə saxlanılan Müşfiq Tağıyev barəsində həbs qətimkan tədbirinin seçilməsi ilə bağlı istintaq orqanının verdiyi təqdimata baxılıb.

Apa-nın xəbərinə görə, hakim Samir İsmayılovun sədrliyi ilə keçirilən prosesdə təqdimat təmin edilib və Müşfiq Tağıyev barəsində 4 aylıq həbs qətimkan tədbiri seçilib.
Xatırladaq ki, okytabrın 28-də saat 05:50 radələrində Sumqayıt şəhərinin Corat bağları yaşayış massivində yerləşən fərdi yaşayış evlərindən birində odlu silahdan açılan atəş nəticəsində 2 nəfər - Susana Karakaş və Dağbəyi Fərəcov ölüb.

Hadisə zamanı Tərlan Fərəcova, Serkan Karakaş, daha sonra isə hadisə yerinə gələn qonşular - Etibar Sarıyev və Mehman Sarıyev xəsarət alıb.

Polis əməkdaşları tərəfindən keçirilən tədbirlərlə hadisəni törətməkdə şübhəli bilinən Corat qəsəbə sakini, 1987-ci il təvəllüdlü Tağıyev Müşviq Məhəmməd oğlu saxlanılıb.

Faktla bağlı Sumqayıt şəhər prokurorluğunda Cinayət Məcəlləsinin 120.2.4, 120.2.7, 29, 120.2.3, 29, 120.2.4, 29, 120.2.7, 29, 286.2.1, 29, 186.2.2, 229.1 maddələr ilə cinayət işi başlanıb.