Amur vilayətində “Ağ Dağlar” istirahət mərkəzində yemək yeyən 86 şagird zəhərlənib. 

Lent.az Rusiya mediasına istinadla bildirir ki, Rospotrebnadzor-un açıqlamasına görə, zəhərlənməyə səbəb norovirus infeksiyası olub.

Kütləvi zəhərlənmə ilə əlaqədar “Ağ Dağlar” istirahət mərkəzinin işi müvəqqəti dayandırılıb. Sanitar həkimlər bağırsaq infeksiyasının törədicini müəyyən ediblər.

Xəstəliyin mənbəyi iaşə müəssiəsinin yoluxucu xəstəliyin əlamətlərini gizlədən və yemək bişirməklə məşğul olan üç əməkdaşı olub. İctimai iaşə məntəqəsində çoxsaylı sanitar qayda və normaların pozulması halları aşkar edilib.

Obyektdə 275 uşaq istirahət edib, xəstəlik əlamətləri olan 86 uşaqdan 10-u xəstəxanaya yerləşdirilib, qalanları yüngül formada norovirus daşıyıcısı olub