2023-cü il 26 aprel tarixində Tərtər rayonunun Suqovuşan kəndi istiqamətində minalardan təmizlənməmiş ərazidə mina hadisəsi baş verib. 

Minalardan Zərərçəkənlər Assosasiyasının sədri Rey Kərimoğlu Qaziler.az-a bildirib ki, piyada əleyhinə minanın partlaması nəticəsində Beynəlxalq Avrasiya Mətbuat Fondunun sürücüsü, 1990-cı il təvəllüdlü Babaşov Xəzər Tarıyel oğlu xəsarət alıb. Xəsarət alan şəxs Bərdə rayon xəstəxanasına yerləşdirilib, vəziyyəti stabildir.

Həkimlərin bildirdiyinə görə, X.Babaşovun həyatı təhlükəsi yoxdur.

R.Kərimoğlu qeyd edib ki, Xəzər Babaşov çox təcrübəli, peşəkar, bu sahəni bilən insandır.

QAZİLER.AZ