İsrailin Təl-Əviv şəhərində atışma olub, yaralananlar var.

"Report" xəbər verir ki, bu barədə İsrail Xarici İşlər Nazirliyi (XİN) məlumat yayıb.

XİN-in məlumatına görə, hadisə nəticəsində 7 nəfər yaralanıb. Yaralılardan ikisinin vəziyyəti ağırdır.

Polis bildirib ki, naməlum şəxs avtomobili Təl-Əvivin Çarlz Klor dənizkənarı parkında piyadaların üstünə sürüb.  Məlumata görə, terrorçu bir neçə piyadanı vurduqdan sonra avtomobildən düşüb, daha bir nəfəri vurmağa cəhd edərkən polis əməkdaşı onu zərərsizləşdirib.

Bundan əvvəl "Kan" radiosu Tel-Əviv sahilində atışma nəticəsində iki nəfərin yaralandığını bildirmişdi.