Bir nəfər öldü

Bağçılarda tekstil firmasında işçilər arasında çıxan davada Canan Çimen güllələnib.

Hadisə Bağcılar qəsəbəsi  Bağlar Məhəlləsində baş verib. Ehtimallara görə, suriyalılar Bişar El Misri və Canan Çimen iki qonşu tekstil şirkətində çalışıblar. Səhər saat 10:40-da Canan Çimen və həmkarları nəqliyyatda toplaşarkən qonşu tekstil şirkətinin işçiləri maşını iş yerinin qarşısında saxlayıblar.

Bundan sonra iki tekstil şirkətinin işçiləri arasında mübahisə yaranıb. Mübahisə tezliklə davaya çevrilib. Tapança, beysbol dəyənəkləri və dəmir şişlərin olduğu dava zamanı bir nəfər tapançadan atəş açıb.

Güllə dəymiş Canan Çimen qan içində yerə yıxılıb. Məlumat verildikdən sonra hadisə yerinə polis və tibb işçiləri gəlib. Hadisə yerinə gələn sağlamlıq qruplarının ilk müdaxiləsində Canan Çimenin həyatını itirdiyi məlum olub.

Hadisə ilə bağlı Bağcılar rayon polis şöbəsinin əməkdaşları araşdırmalara başlayıb. Canan Çimeni öldürən silahdan istifadə edən şəxsin Bişar Əl Misri olduğu müəyyən edilib. Misri və davada şübhəli bilinən 5 nəfər polis tərəfindən saxlanılıb. Axtarış zamanı hadisədə istifadə edilən tapança və 2 tüfəng, həmçinin beysbol dəyənəkləri də götürülüb.

QAZİLER.AZ