Son məlumatlara görə, Türkiyədə 10 şəhərdə dağıntılara səbəb olan böyük zəlzələlərdə 17 min 406 nəfər həyatını itirib, 71 min 806 nəfər isə yaralanıb.

19.46

Qaziler.az Türkiyə mətbuatına istinadən bildirir ki, son məlumatlara görə, Türkiyədə 10 şəhərdə dağıntılara səbəb olan güclü zəlzələlərdə 16 min 546 nəfər həyatını itirib, 66 min 132 nəfər isə yaralanıb.

17.52

Qaziler.az Türkiyə mətbuatına istinadən bildirir ki, son məlumatlara görə, Türkiyədə 10 şəhərdə dağıntılara səbəb olan güclü zəlzələlərdə 16170 nəfər həyatını itirib, 64194 nəfər xəsarət alıb.

10.05

Türkiyədə güclü zəlzələ nəticəsində ölənlərin sayı 12 873 nəfərə çatıb.

Bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.

Təbii fəlakət nəticəsində 62 937 nəfər yaralanıb.

Xatırladaq ki, fevralın 6-da ocağı Türkiyənin Kahramanmaraş şəhərinin Pazarcık rayonu olan 7,7 maqnitudalı və 9 saat sonra episentri eyni şəhərin Elbistan rayonu olan 7,6 maqnitudalı iki zəlzələ olub. Güclü yeraltı təkanlardan sonra bölgədə 6,6 maqnitudayadək yüzlərlə afterşoklar qeydə alınıb. Təbii fəlakət Türkiyə və Suriyada böyük dağıntı və minlərlə itkilərə səbəb olub.

İki zəlzələ həmçinin Livan, Kipr, İraq, İsrail, İordaniya, İran və Misirdə hiss edilib.

Türkiyə Prezidenti Rəcəb Tayyib Ərdoğan ölənlərin xatirəsini anmaq üçün ölkədə 7 günlük matəm elan edib. Bundan başqa, ölkənin zəlzələ baş verən 10 şəhərində 3 aylıq fövqəladə vəziyyət elan olunub.

Bu hadisə Türkiyədə 1939-cu ildən bəri qeydə alınan ən güclü zəlzələ kimi tarixə düşüb.

QAZİLER.AZ