Məktəbli qızın sinif yoldaşını bıçaqladıqdan sonra dərsə gəlməsi narazılığa səbəb olub - AÇIQLAMA

Məktəbli qızın sinif yoldaşını bıçaqladıqdan sonra dərsə gəlməsi narazılığa səbəb olub -  AÇIQLAMA backend

Gəncə şəhərində sinif yoldaşına bıçaqla xəsarət yetirən qızın yenidən məktəbə gəlməsi valideynlərin narazılığına səbəb olub. 

Oxu.Az-ın məlumatına görə, hazırda valideynlər məktəbə gələrək şagirdin məktəbi tərk etməsini istəyirlər. 

Daxili İşlər Nazirliyinin Mətbuat Xidmətinin Gəncə regional qrupunun baş inspektoru Eşqin Qasımov Oxu.Az-ın sorğusuna cavab olaraq bildirib ki, hadisə ilə bağlı Gəncə Şəhər Baş Polis İdarəsinin İstintaq və Təhqiqat İdarəsində Cinayət Məcəlləsinin 126.1-ci maddəsi ilə cinayət işi başlanıb:

“Həmin məktəbli cinayəti törətməkdə şübhəli şəxs kimi tanınıb. Daha sonra şübhəli şəxs yetkinlik yaşına çatmadığına görə barəsində “Yetkinlik yaşına çatmayanı nəzarət altına vermə” qətimkan tədbiri seçilib və ailəsinə iltizam əsasında təhvil verilib. Hazırda müvafiq araşdırmalar davam etdirilir”.

Qeyd edək ki, bir neçə gün əvvəl Gəncə şəhər Molla Pənah Vaqif adına 8 nömrəli tam orta məktəbdə N.M. məktəbdə sinif yoldaşı S.A.-ya iki bıçaq zərbəsi vurub.
Xəsarət alan məktəbli xəstəxanaya yerləşdirilib.

 

loading...
Diaspora