Tovuz rayonunda yanğın hadisəsi baş verib.
Qazilər.az xəbər verir ki, hadisə Tovuz rayon Olimpiya Kompleksinin yaxınlığında olan boş sahədə təxminən saat 21:30 radələrində qeydə alınıb.
İlkin məlumata görə, yanğının ildırım düşməsi səbənindən baş verdiyi ehtimal edilir.
Tovuz Yanğından Mühafizə İdarəsindən BAKU.WS-in yerli bürosuna bildirilib ki, onlara əraziyə ildırım düşməsi ilə bağlı məlumat daxil olub. Lakin yanğının məhz bu səbəbdən baş verdiyi dəqiq deyil.
Yanğın olan əraziyə 3 yanğın söndürmə avtomobili cəlb olunub və yanğın qısa zamanda söndürülüb.
