ABŞ hökuməti koronavirusun yayılması ilə əlaqədar Çindən idxal olunan bir sıra tibbi təyinatlı mallara tətbiq edilən rüsumları ləğv edib.

APA xəbər verir ki, bu barədə “Wall Street Journal” qəzeti ABŞ Ticarət Nümayəndəliyinin əməkdaşına istinadən məlumat yayıb.

“ABŞ Ticarət Nümayəndəliyi koronavirusla əlaqədar Çindən idxal olunan onlarla tibbi təyinatlı predmetlərə tətbiq olunan rüsumların götürülməsi ilə bağlı müraciətlərə müsbət cavab verib”, - məlumatda belə deyilir.

Qeyd olunur ki, siyahıya mühafizə xalatları, əlcəklər, cərrahi mələfələr və tibbi tullantıları atmaq üçün nəzərdə tutulmuş bağlamalar daxildir.