Bu il neftə olan tələbat proqnozu 92,5 milyon barrelə qaldırılıb.

Neft İxrac edən Ölkələr Birliyi (OPEK) bu il üçün dünyada neftə olan tələbatın gündəlik hasilat proqnozunu 50 milyon barreldən 92,5 milyon barrelədək qaldırıb. Bu, 2014-cü ildəki səviyyədən 1,18 milyon barrel yüksəkdir.

ANS PRESS-in məlumatına görə, OPEK ölkələri neftinə tələbat əvvəlki 29 milyon barelə nisbətən 29,3 milyon barrel səviyyəsində gözlənilir. Təşkilata daxil olmayan ölkələrdə neft hasilatı 2015-ci ildə gündəlik 57,16 milyon barrel təşkil edəcək ki, bu da ötən ildəki səviyyədən 0,68 milyon barrel çoxdur.

ABŞ-da neftçıxarma üzrə gündəlik proqnoz 40 min barrel azaldılaraq 13,56 milyon barrelə çatdırılıb. Bu, keçən ilə görə 0,7 milyon barrel artım deməkdir.

Rusiyada isə neft hasilatı üzrə proqnoz əvvəlki 10,54 milyon barrel səviyyədə saxlanılıb.