Bakıda İlaxır çərşənbə tədbirinə start verilib. Lent.az xəbər verir ki, saat 10-da atlıların müşayət etdiyi karvan İçərişəhərdən Suraxanı rayonu istiqamətinə hərəkətə başlayıb. Karvan "Atəşgah" məbədindən od götürərək İçərişəhərə qayıdacaq və burada tonqal qalanacaq.
Tədbir ərzində Bakının bir sıra mərkəzi küçələrində nəqliyyatın hərəkətində sıxlıq yarana bilər. Sürücülər xüsusi ilə Əziz Əliyev küçəsi, "Neftçilər" prospekti, Zərifə Əliyeva küçəsi, Yusif Səfərov küçəsi, Üzeyir Hacıbəyli küçəsi, Heydər Əliyev prospekti istiqamətində hərəkətin sıxlığı ilə qarşılaşa bilər.SÜRÜCÜLƏRİN NƏZƏRİNƏ: Bakıda ilaxır çərşənbə tədbiri başladı
