Qazaxıstan İnvestisiya və İnkişaf Nazirliyinin Turizm Sənayesi Departamentinin direktoru Marat İqaliyev və Azərbaycanın Qazaxıstandakı səfiri Rəşad Məmmədov turizm sahəsində qarşılıqlı əməkdaşlıq və inkişaf məsələlərini müzakirə ediblər.

Qaziler.az bildirir ki, Trend-in məlumatına görə, bu barədə M.İqaliyev öz "Facebook" səhifəsində məlumat verib.

Məlumatda qeyd olunur ki, görüş zamanı Astanada keçiriləcək EXPO-2017 sərgisinə turistlərin cəlb olunması məsələləri müzakirə olunub:

“Rəsmi Bakı Astanaya gələn turistlərin sonra Azərbaycana getməsində maraqlıdır. Öz növbəsində, onlar da Azərbaycana gələn turistlərin Qazaxıstana yönləndirilməsi ilə bağlı əməkdaşlıq etməyə hazırdırlar”.