“Facebook Messenger” tərtibatçıları istifadəçilərinə 3D-maskalar və müxtəlif effektlərdən istifadə etmək imkanı veriblər. İKT.lent.az-ın “iGeek.ru” saytına istinadən məlumatına görə, bundan öncə “Facebook” messenceri daha asan idi və məlumatların göndərilməsinə xidmət edirdi.

Ancaq məlumdur ki, “Facebook” bu əlavəni daha da inkişaf etdirmək niyyətindədir. Artıq messencer böyük sayda əlavələri olan kameranı tam olaraq dəstəkləyir. Tərtibatçıların fikrincə, bu əlavələr istifadəçilərin ürəyincə olacaq. Burada çəkim düyməsi də var ki, onu avtomatik olaraq işə salır. Yeri gəlmişkən, bu kamera əvvəlkindən daha tez işə düşür.

Bundan başqa, messencerə müxtəlif 3D effektlər və maskalar əlavə edilib ki, onları video və şəkillərdə istifadə etmək mümkündür. Şəkillərə çərçivələr, filtrlər, stikerlər və sair əlavələr etmək mümkün olacaq. Onları şəxsi məlumatlara da əlavə etmək mümkündür.

Bütün yeni imkanları artıq indidən yoxlamaq mümkündür. Bunun üçün bu əlavəni “Apple Store” və “Google Play” onlayn mağazalardan yükləmək olar.