İraq ordusu Fəllucada İŞİD terror qruplaşmasının yaraqlılarının cəsədlərindən ibarət kütləvi qəbir aşkarlayıb. "Eurasia Diary" xəbər verir ki, İraq Müdafiə Nazirliyinin sözçüsü bildirib ki, aşkarlanan qəbirdə İŞİD qrupunun yerli və ya xarici üzvlərinə aid cəsədlər basdırılıb.
Məlumatda həmçinin qeyd olunur ki, Fəllucada İraq ordusu tərəfindən aşkar edilmiş İŞİD-in silahları Fəlluca yaxınlığındakı Əltariq hərbi düşərgəsinə yerləşdirilib.Qeyd edək ki, Fəlluca Bağdaddan 65 kilometr qərbdə yerləşir və 2014-cü ilin yanvarında İraqın İŞİD terrorçuları tərəfindən işğal olunmuş ilk şəhərdir.
