Türkiyənin İstanbul şəhərində naməlum şəxslər tərəfindən güllənərək öldürülən kriminal avtoritet Rövşən Lənkəranskin nəşi vətəninə gətirilib. Xalq.az-ın məlumatına görə minlərlə insan Lənkəranskinin nəşini Lənkəran hava limanında qarşılayıb.
Rövşən Lənkəranskinin nəşini İstanbuldan şəxsi təyyarəsi ilə gətirən Türkəyinin tanınmış iş adamı “Palmali” Şirkətlər Qrupunun prezidenti Mübariz Mənsimov da təyyarə ilə Lənkərana gəlib. Mübariz Mənsimov bu gün Rövşən Lənkəranskinin dəfn mərasimində iştirak edəcək.
