"2017-ci ilin mart ayına qədər İranın neft sənayesinə 40 milyard dollar sərmayə yatırılmasına ehtiyac var". APA TV-nin Rusiya mətbuatına istinadən xəbərinə görə, ölkənin neft naziri Bijan Zəngani bu barədə açıqlama verib.
Nazir deyib ki, martın 20-dən başlanan yeni maliyyə ilindən etibarən özəl şirkətlər və xarici investorlar tərəfindən İranın neft sənayesinə investisiya yatırılacağı hədəflənir.Neft hasilatının dondurulması məsələsinə gəlincə, Zəngani yalnız ölkənin ümumi hasilat səviyyəsinin gün ərzində 4 milyon barelə çatdırılmasından sonra bu barədə müzakirə aparıla biləcəyini qeyd edib.
