Azərbaycan prezidenti İlham Əliyevin Ankaraya səfəri başlayıb. QAZİLER.AZ Türkiyə mediasına istinadən xəbər verir ki, Bakı vaxtı ilə saat 12:30-da Azərbaycan prezidentinin rəsmi qarşılanma mərasimi keçirilib. Türkiyənin prezident sarayında keçirilən qarşılanma mərasimindən sonra iki president başbaşa görüşəcək. Azərbaycan prezidenti İlham Əliyevin Türkiyəyə rəsmi səfərinin proqramı açıqlanıb.

Başbaşa görüşdən sonra bir sıra anlaşma sənədlərinin imzalanması və ardınca da iki prezidentin ortaq mətbuat konfransı baş tutacaq.

Günorta isə Azərbaycan prezidentinin şərəfinə rəsmi yemək veriləcək.

Qeyd edək ki, Türkiyə-Azərbaycan Yüksək Səviyyəli Strateji Əməkdaşlıq Şurasının iclasının Ankarada keçirilməsi təşəbbüsü Azərbaycan prezidentindən gəlib. “Anadolu” agentliyinin Türkiyə Prezident Administrasiyasındakı mənbəyə istinadən verdiyi məlumata görə, Ərdoğan bu jestə və terrorla mübarizədəki həmrəyliyə görə Azərbaycan prezidentinə təşəkkür edib.