Rusiyanın neft hasilatı 20 il sonra yarıbayarı azala bilər. Axar.az xəbər verir ki, bu, Rusiya Energetika Nazirliyinin 2011-ci ildə hazırladığı sxemdə yer alıb.
“Vedomosti” qəzetinin əldə etdiyi sxemdə Rusiyada hasilatın 2020-ci ildə 425, 2025-ci ildə 369, 2030-cu ildə 332, 2035-ci ildə isə 292 milyon tona düşəcəyi bildirilir.
Qeyd edək ki, nazirlik sözügedən sxemdə 2015-ci il üçün 500 milyon ton neft hasilini proqnozlaşdırsa da, bu rəqəm daha yüksək olub. Ötən il Rusiyada 534 milyon ton neft hasil olunub.
