Liviyanın sahil mühafizə qüvvələri 1,7 mln. litr qaçaqmal dizel yanacağı daşıyan “Kapitan Xəyyam” tankerini saxlayıb. APA TV-nin “RİA Novosti”yə istinadən verdiyi xəbərə görə, saxlanılan tanker Liviyanın paytaxtı Tripolidəki dəniz bazasına gətirilib.
“Sahil mühafizə qüvvələri ərazidə patrul xidməti çəkərkən göyərtəsində 1,7 mln. litr dizel yanacağı olan tanker saxlayıb”, - deyə Liviya sahil mühafizə qüvvələrinin nümayəndəsi Əbu Acil bildirib.O həmçinin əlavə edib ki, saxlanılan 12 nəfərdən ibarət heyət üzvləri arasında Türkiyə, Azərbaycan və Ukrayna vətəndaşları var.
