Argentinanın Entre-Rios əyalətində sərnişin avtobusu aşıb. APA-nın TASS agentliyinə istinadən verdiyi məlumata görə, qəza nəticəsində 3-ü uşaq olmaqla 5 nəfər ölüb, 50 nəfər xəsarət alıb.
Avtobusda 66 nəfərin olduğu bildirilir. İlkin versiyaya əsasən, Paraqvayın paytaxtı Asunsondan Buenos-Ayresə yollanan avtobusun sürücüsü idarəetməni itirib. Nəticədə avtobus yolun kənarındakı hasara çırpılaraq aşıb.Xəsarət alanlar xəstəxanalara yerləşdirilib. Onların arasında ağır vəziyyətdə olanlar var. Avtobusun sürücüsü saxlanılıb. Hadisə ilə bağlı araşdırmalara başlanılıb.
