Bakı-Qazax magistral yolunda iki nəfərin yaralanması ilə nəticələnən yol-nəqliyyat hadisəsi baş verib. APA TV-nın qərb bürosunun xəbərinə görə, hadisə magistral yolun Göygöl rayonu ərazisindən keçən hissəsində qeydə alınıb.
Hərəkətdə olan "TIR" arxadan “KamAZ” markalı avtomobilə çırpılıb. Qəza zamanı “TIR”ın sürücüsü, Bakı şəhər sakini, 1977-ci il təvəllüdlü Anar İbrahimov və sərnişin, 1981-ci il təvəllüdlü Emin Məmmədov müxtəlif bədən xəsarətləri alaraq Gəncə şəhər Təcili Tibbi Yardım Xəstəxanasına yerləşdiriliblər.
Faktla bağlı Baş Dövlət Yol Polisi İdarəsində araşdırma aparılır.
