Türkiyənin Konya vilayətində sərnişin avtobusu qəzaya uğrayıb. APA-nın yerli mətbuata istinadən verdiyi xəbərə görə, hadisəyə yolun buz bağlaması səbəb olub.
Ereyli rayonunda buzlu yoldan çıxan sərnişin avtobusu qarşı tərəfdən hərəkətdə olan başqa bir avtobusla toqquşub. Nəticədə avtobuslardan biri aşıb. Hadisə zamanı 6 nəfər ölüb, 24 nəfər isə xəsarət alıb.
